Dialetti d’Italia

’E criature ’E criature nun so’ figlie ’e Dio, so’ figlie d’a mamma e d’o pate, so’ figlie d’a famiglia, d’a casa, d’a ggente, d’o paese addò so’ nate. ’E criature song’aneme ’e Dio, ’nnucente e hann’’a essere aiutate a crescere, a parlà, a vulè bbene, a stà a sentì, a tené ’a pacienza, a dicere ’a verità, a pregà. ’E criature hann’’a essere aiutate a sapé leggere e a sapé scrivere, a cammenà diritto, a faticà, a semmenà pace, giustizia e onestà. ’E criature song’aneme ’nnucente, nun s’hann’’a ’nfettà, nun s’hann’’a sperdere, nun s’hann’’a dannà dint’’a ’stu munno ’mpazzuto e malamente. Chi vò bbene ’e criature l’hadd’aiutà a crescere.